#PrayForAzerbaijan: "Günəşli" faciəsi sosial şəbəkələrdə anılır
"Günəşli" yatağındakı 10-cu dərin dəniz özülündə baş verən yanğınla bağlı bir çox məşhurlar öz instaqram səhifələrində zərərçəkənlərə və bütün Azərbaycan xalqına başsağlığı verib.
ANS PRESS-in məlumatına görə, sosial şəbəkədə "#PrayForAzerbaijan", "#gunashli", "#baku", "#azerbaijan", "#aztagram" həştəqləri ilə yazılar, şəkillər paylaşılıb.
Xəzər dənizindəki yanğınla bağlı başsağlığı verənlər içərisində yerli şou-biznes nümayndələri, sənətçilərlə yanaşı türkiyəli tanınmışlar da var.
Prezident İlham Əliyevin qızı Leyla Əliyeva da öz instaqram səhifəsində faciə ilə bağlı şəkil paylaşıb.
Aşıq Samirə,Firəngiz Mütəllibova,Elza Seyidcahan və digərləri öz sosial şəbəkə səhifələrində doğmalarını itirənlərə başsağlığı verib,səbr diləyib.
Aygün Kazımova isə instaqram səhifəsində Günəşli yatağında dekabrın 4-də baş verən yanğınla yanaşı 19 may faciəsini də xatırladıb.
Aygün Kazımovanın instaqram səhifəsindəki paylaşımı
Elza Seyidcahanin "İnstaqram" səhifəsi
Faiq Ağayevin "Facebook" səhifəsi
Murad Arifin "İnstaqram" səhifəsi
4 dekabr faciəsi ilə bağlı türkiyəli məşhurlar da Azərbaycan xalqına başsağlığı verib, Azərbaycanın dərdinə şərik olduqlarını bildiriblər.
Onlar içərisində müğənni Demet Akalın, Petek Dinçöz, stilist, Nurella ləqəbli Nur Yerlitaş, İbrahim Tatlısəsin oğlu İdo da var.
Məşhurların bəziləri həlak olanlarla bağlı başsağlığı verib, bəziləri isə Azərbaycan və Türkiyə xalqlarının birliyini xatırladıb. Stilist Nurella Səməd Vurğunun müəllifi olduğu "Ayrılarmı könül candan" sözlərini yazıb.
Demet Akalının instaqramda paylaşdığı şəkil
İdo Tatlısəsin "Günəşli" faciəsi ilə bağlı paylaşdığı şəkil.