Praqada görməli olduğunuz yerlər
Avropanın şərqində, Frans Kafkanın, Vaclav Havelin vətəni olan Praqadayıq. Vltava çayının sahilində qəsrləri, muzeyləri, əyləncə məkanları və içkiləri ilə (daha dəqiq desək pivəsi) ilə hər kəsi özünə heyran qoyan Praqanı daha yaxından tanımaq üçün siyahımızla tanış olmağa başlayaq.
Charles Bridge
Vltava çayı üzərində inşa olunmuş on üç körpüdən biri olan Charles Bridge olduqca çox turisti özünə cəlb edir. Çex dilində Karlov most deyilən körpü üzərində xeyli sayda heykəllər var. Sadəcə piyada gəzintisinə icazə verilən körpü 1357-1402-ci illər ərzində inşa olunub və hal-hazırda da həssaslıqla qorunur.
Prague Castle
Şəhərin əksər yerindən görünən qalanın içində prezident iqamətgahı, kilsələr və bir neçə muzey yer alır. Praqanın mükəmməl mənzərəsi olan yerdə Franz Kafkanın bir müddət yaşadığı evi də görmək mümkündür.
Franz Kafka muzeyi
Charles Bridge’lə arasında cəmi bir neçə dəqiqəlik məsafə olan muzeyə girsəniz Kafka haqqında geniş məlumatlar əldə edə biləcəksiniz. Muzeydə Kafkanın bəzi şəxsi əşyaları, məktubları da sərgilənir. Muzeyin həyətində isə şəkildə gördüyünüz məşhur heykəl var.
Yəhudi məhəlləsi
Praqanın mərkəzində yerləşən lyuks bir məhəllədir. İkinci dünya müharibəsinə qədər Praqada xeyli sayda yəhudi yaşayırdı və məhz elə bir çox binada onların imzası var. Bura isə onların çoxluqda olduğu bölgə idi. İndilərdə bahalı mağaza və restoranlar olan yerdə sinaqoqları görmək mümkün olur. Eyni zamanda burada, qəbirlərin üst-üstə olduğu tarixi qəbirstanlıq yer alır.
Wenceslas Square
Praqanın mərkəzi meydanı hesab olunur. Meydanın yuxarı hissəsində böyük bir muzey var. Bu meydan, faşist və kommunist işğallarından, bənövşəyi inqilab kimi bir çox tarixi hadisəyə şahidlik edib.
Palladium
Şəhərin mərkəzində yerləşən alış-veriş mərkəzi alver etmək və vaxtınızı keçirmək üçün ən uyğun yerlərdən biridir. Palladiumu memari quruluşu zövqsüz və şəhərin selulletini pozan alış-veriş mərkəzləri üçün nümunəvi örnək olaraq da göstərmək lazımdır.
Rəqs edən bina
Ali Ertürk Copy Right
90-cı illərin əvvəlində müstəqillik elan olunduğdan sonra Vaclav Havel’in məsləhəti ilə Praqaya daha müasir bir şəhər görüntüsü vermək üçün inşa olunmuşdu. Bir çox memar tarixi binların olduğu yerdə bu binanın şəhər görüntüsünü pozduğunu iddia edərək bu binanı bəyənmir. Sonrakı illərdə şəhərin mərkəzində belə binalar inşa olunmadığı üçün binanın turistlərin və şəhər əhalisinin gözündə xüsusi yeri var.
Narodni Divadlo ( National Theatre)
Vltava çayının kənarında Praqanın ən görkəmli binasıdır. Xüsusilə binanın üzərindəki kiçik və böyük heykəllər hər kəsin diqqətini çəkir. İnşa olunduqdan sonra dəfələrcə yanan teatr müasir dövrə gəlib çıxmağı da bacarıb.
Gecə klubları
Şərqi Avropanın Amsterdamı olaraq da görülən şəhərin maraqlı gecə həyatı var. Praqada əylənmək üçün mütlər özünüzə uyğun məkan tapacaqsınız . Charles körpüsünün yaxınlığıda Karlove Lazne Şərqi Avropanın ən böyük musiqi klubu sayılır.
İçkilər
Avropada pivə müxtəlifliyinin və keyfiyyətinin ən yüksək olduğu ölkələrdən biridir. Şəhərdə olan əksər restoranlar da məhz yerli pivələrə üstünlük verir.. Bundan başqa absent və becherovka da spirtli içkilər arasında populyar hesab olunur. Çexiyanı içki sevənlərin korluq çəkmədiyi ölkə hesab edə bilərik.