Biz bu məhəbbətə nə ad qoyaq
Sanki bu vaxtacan yaşamamışam.
Dünənim, bu gündən nə maraq istər?
Səni indilərdə tapan ürəyim,
Keçmişin qəzasın yaşamaq istər.
Borcu öz vaxtında qaytarmaq gərək.
Əcri xoşbəxtliyin ölümdü demək.
Yəni çox güman ki, bu acgöz fələk,
Bizə səadəti borca verəcək.
Yuxuma gəlmişdin,neçə il qabağ.
Həmənki adamsan, qarışdırmadım.
Necə bu vaxtacan mənsiz yaşadın?
Sənə mənsizliyi yaraşdırmadım.
Doğulub məhəbbət, böyüdək onu.
Bu yolla çatarıq məqsədə ay qız.
Biz bu məhəbbətə nə ad qoyaq ki?,
Allaha, bəndəyə xoş gedə ay qız...