İsrail ordusu Suriyanı vurdu

İsrail ordusu Suriyadakı hərbi bazalardan birinə raket zərbəsi endirib. Bunun, Suriyadan İsrailin nəzarətində olan Golan Təpələrinə atılan raketə cavab olduğu iddia olunub.
Aldığımız məlumata görə, İsrail ordusundan adının açıqlanmasını istəməyən bir rəsmi verdiyi açıqlamada: "İsrail ordusu Suriyada bir hərbi bazanı raket atəşinə tutub. Gün ərzində Suriya tərəfindən İsrailə atılan bir raketə cavab olaraq Suriya hərbi bazasını vurduq"- deyə bildirib.
Qeyd edək ki, İsrail radiosu İsrail-Suriya sərhədi yaxınlığındakı Kuneytıra bölgəsində raket həyəcanı elan olduğunu bildirsə də ətraflı məlumat verməmişdi.