Azərbaycan və Türkiyə ordusu Ermənistanla sərhəddə

03 Haziran 2016
1 496
0
Azərbaycan və Türkiyə ordusu Ermənistanla sərhəddə
Azərbaycan Respublikası ilə Türkiyə Respublikası arasında hərbi əməkdaşlıq haqqında sazişə əsasən Qars şəhərində iki ölkənin Silahlı Qüvvələrinin iştirakı ilə təlim başlayıb

Müdafiə Nazirliyi mətbuat xidmətindən verilən məlumata görə, təlimdə azərbaycan tərəfdən Əlahiddə Ümumqoşun Ordu komandanı general-leytenant Kərəm Mustafayev və Türkiyə Respublikasının Üçüncü Ordu komandanı ordu generalı İsmail Serdar Savaş iştirak ediblər. Gürcüstan Silahlı Qüvvələrinin nümayəndələri təlimə ilk dəfə olaraq müşahidəçi qismində də qatılıblar.

Qeyd edək ki, 1200-dən artıq şəxsi heyətin iştirakı ilə keçirilən döyüş atışlı taktiki təlimin əsas məqsədi Silahlı Qüvvələr arasında təcrübə mübadiləsini reallaşdırmaqla qarşılıqlı əlaqələri inkişaf etdirmək, qərargahlarda müştərək planlaşdırma fəaliyyətlərini yoxlamaq, hərbi bölmələrin hazırlığını və əməliyyatları icra etmək qabiliyyətini yüksəltməklə onların uyarlılığına nail olmaqdır.
Əvvəlki Xəbər Növbəti Xəbər
RƏY ƏLAVƏ ET