Qurban Qurbanovdan bu göstəricidə rekord!
Feat.Az-ın məlumatına görə dünən ardıcıl 3-cü çempionluğunu bayram edən "Qarabağ" ardıcıl hər 3 çempionluğunu Qurban Qurbanovun rəhbərliyi altında qazanıb. Bu da Qurban Qurbanovun şəxsi rekordu hesab edilə bilər. Çünki daha öncə Azərbaycan Premyer Liqasında 3 il ardıcıl olaraq çempionluq yaşayan baş məşqçi olmamışdı. Qurbanov medal sayında görə olan rekorda da ortaq olub. Belə ki o baş məşqçi olaraq 3 qızıl, 2 gümüş və 2 bürünc olmaqla ümumilikdə 7 medal qazanmağı bacarıb. Baş məşqçi Ağasəlim Mircavadovun da hesabında 7 var. Onların 5-i qızıl, 1-i gümüş ,1-i isə bürüncdür. Belə də hər iki məşqçi medal sayına görə hər kəsi qabaqlayır.
