"Real Madrid" 11-ci dəfə Avropanın ən güclüsüdür!
Bu gün Çempionlar Liqasının final qarşılaşması keçirilib. Finalda Madridin iki komandası "Real Madrid" və "Atletiko Madrid" qarşılaşıb. Feat.Az-ın məlumatına görə əsas vaxt 1-1 hesabı ilə başa çatıb. Qolları Serxio Ramos(15`) və Karrasko(79`). Qrizman oyunda 1 penalti zərbəsindən yararlana bilməyib. Əlavə vaxtda da hesab dəyişmədiyindən çempionun taleyinə penaltilər seriyasında aydınlıq gəlib. Bütün zərbələri dəqiq yerinə yetirən "Real Madrid" 11-ci dəfə bu kuboka sahib çıxıb. Zidan isə "Real Madrid"də elə ilk fəaliyyət ilindəcə Çempionlar Liqası kimi bir turniri qazanmağa nail oldu. "Atletiko Madrid" bununla 3-cü Çempionlar Liqası finalından da məğlub ayrıldı.