Meyitdən orqan köçürmək mümkün olacaq - AÇIQLAMA
Konqres Səhiyyə Nazirliyi ilə razılaşdırılmaqla Türkiyə Orqan Nəqli Dərnəyi və Türk Dünyası Transplantasiya Dərnəyinin birgə təşkilatçılığı ilə baş tutub. ABŞ, İngiltərə, Avstraliya, Kanada, Livan, İordaniya, Misir, İran, Türkiyə, Orta Asiya dövlətlərindən və Azərbaycandan 500-ə qədər nümayəndənin qatıldığı tədbirdə kadr və sosial-hüquqi qaydaların hazırlanması, meyit orqanlarının nəqli sahəsində yeniliklərdən söz açılıb.
2 gün davam edəcək konqresdə transplantologiyanın müxtəlif problemlərinə həsr olunan çıxışlar dinləniləcək, plenar iclaslarda diskussiyalar aparılacaq, elmi-praktik seminarlar keçiriləcək. Hazırda ölkədə 620 orqan nəql olunmuş şəxsin dərman preparatları ilə təchizatı tamamilə dövlətin vəsaiti hesabına həyata keçirildiyini deyən səhiyyə nazirinin müavini Elsevər Ağayev bildirib ki, yaxın gələcəkdə orqanlar meyitdən də götürülə biləcək:
“Bunun üçün müəyyən hazırlıqlar həyata keçirilməlidir və müəyyən klinikalar olmalıdır ki, beyin ölümününün təsdiqi üçün komissiya yaradılmaldır. Qiymətinə gəlincə tibbi sığorta həyata keçirildikdən sonra bu əməliyyatlar da tibbi sığorta tərəfindən həyata keçiriləcək”.
