Mayonezi evdə özünüz hazırlayın - ASAN RESEPT

Mayonezi evdə də hazırlamaq mümkündür. Çox sadə bir resepti olan mayonezi evinizdə rahatlıqla hazırlayıb salatlarda və bəzi yeməklərdə istifadə edə bilərsiniz.

Feat.Az lent.az-a istinadən evdə mayonez hazırlamağın qaydasını təqdim edir.

Mayonez hazırlayarkən ehtiyacınız olan ərzaqlar bunlardır:

2 ədəd yumurta sarısı

1/4 ədəd limon suyu

400 ml və ya 2 su stəkanı duru yağ

10 qr və ya 1 xörək qaşığı xardal

Hazırlanma qaydası:

Ev şəraitində mayonez hazırlamaq üçün yumurta sarısını xardalla birlikdə mikserlə qarışdırın. Limon suyunu əlavə edib qarışdırmağa davam edin. Duru yağı yavaş-yavaş hazırladığınız qarışıma əlavə edin. Dadına baxıb duz və istiot tökün. Rəngini açmaq üçün istəsəniz, qatıq da əlavə etmək olar.