Ürək nahiyəsində ağrıların səbəbləri

İnsanların əksər hissəsi yaşından, cinsindən və s. amillərdən asılı olmayaraq ürək nahiyəsində olan ağrılarla üzləşir.
Digər ağrılarla müqayisədə bu ağrılar insanları adətən qorxuzur və həkimə müraciət etməyə vadar edir.
Ürək nahiyəsində olan ağrılar həm ürək xəstəlikləri, həm də ürəyin sağlamlığına aid olmayan digər xəstəliklər və pozulmalarla bağlı ola bilər.
Beləliklə, ürək nahiyəsində ağrıların əsas səbəbləri:
Ürək xəstəliklərlə bağlı səbəblər:
- Stenikardiya. Bu xəstəlik zamanı ürəyi qanla təchiz edən damarlar daralır. Nəticədə belə insanlarda fiziki gərginlik və ya stress zamanı ürək nahiyəsində ağrı inkişaf edir. Ağrı yandırıcı, sıxıcı xarakter daşıyır, sol çiyinə, qola, aşağı çənəyə yayıla bilər. Ağrı sakit vəziyyətdə azalır, nitroqliserin preparatın köməyi ilə belə ağrılar aradan qaldırılır.
- Miokard infarktı. Ağrı stenokardiya tutması zamanı olan ağrıya bənzəyir, lakin daha güclü, dözülməz olur və nitroqliserin xəstəyə kömək etmir. Dərhal "təcili yardım" çağırın.
- Ürəyin iltihabları (miokardit, perikardit). Ağrılar uzunmüddətli, sızıldayan olur, öskürək və nəfəsalma zamanı artır. Ağrısızlaşdıran dərmanların təsirindən belə ağrılar azalır.
Ürək xəstəliklərlə bağlı olmayan səbəblər:
- Radikulit (qabırğa arası nevralgiya).
- Nevroz.
- Vegetativ-damar distoniyası.
- Onurğa sütunu boyun və döş nahiyəsinin osteoxondrozu.
- Döş əzələləri iltihabları.
- Ağ ciyər xəstəlikləri.
- Qabırğaların zədələmələri nəticəsində (sınıqlar və s.) sinirlərin sıxılması.
- Qida borusu xəstəlikləri.
- Mədəaltı vəzi və öd kisəsi xəstəlikləri.
- Kəmərləyici dəmrov.