Düşün azacıq

Biz öz-özümüzə doğma demədik,
Doğma adın verdi özgələr bizə.
Biz öz gözümüzdə özgə göründük,
Özgələr tək baxdıq öz-özmüzə.


Satın aldı bizi bizdən olmayan,
Özgələr əliylə cibə qoyulduq.
Biz bir-birimizə olmadıq həyan,
Biz özgələr üçün özünki olduq.


Bölündüq,kəsildik,paralandıq da,
Yenə kor-koranə özgəni gəzdik,
Öldük də,sındıq da, yaralandıq da,
Öz faciəmiz də olmadı bizlik.


Biz öz-özümüzü alçaltdıq,əzdik,
Təki ucalaq özgə gözündə.
Mərd mezarlarını sıraya düzdük,
Təbəssüm görməkçün namərd üzündə.



Demə ki sözlərim xətrinə deyib,
Öz kimliyin haqda düşün azacıq.
Ay sağ-solundakı dağı görməyib,
Uzaq təpələri dağ bilən yazıq.