Canım atam deyirəm

Canım Atam deyirəm,
Səni mən çox sevirəm.
Dinlə şeir deyirəm,
Sənin üçün deyirəm.
***
Canım Atam deyirəm,
Qurban olaram sənə,
Sənin səxavətinə,
Sənə olan hörmətə,
Halal olsun deyirəm.
***
Səndəki dəyanətə,
Qəlbindəki qüdrətə,
Düzlüyə, ləyaqətə,
Səndəki cəsarətə,
Halal olsun deyirəm.
***
Gözəl tərbiyə verib,
Ali savad verərək,
Bizi hər an sevərək,
Sən bizi xoşbəxt etdin,
Halal olsun deyirəm.
***
Gecə-gündüz işləyib,
Çoxlu əziyyət çəkib,
Qayğımızı sən çəkdin,
Qolundakı qüvvətə,
Halal olsun deyirəm.
***
Övladınçun həyatda,
Çəkdiyin o zilləti,
Aldığımız təhsili,
Verdiyin o çörəyi,
Sən bizə halal eylə.

Salayeva Cəmilə


R.t..Zemichka