Saçların uzanmasını sürətləndirən maska

Xardal tozu qan dövranını yaxşılaşdırır, saçların follikullarını qıcıqlandırır ki, nəticədə saçlar daha sürətli uzanmağa başlayır.

1 xörək qaşığı xardal tozunu ilıq su ilə qarışdırın (duru sıyıq kimi alınmalıdır). Yumurta sarısını çalın və xardal kütləsinə əlavə edib yaxşı qarışdırın. Saçlarınız qurudursa, maskaya 1 xörək qaşığı zeytun və ya ayıpəncəsi yağı əlavə edin. Maskanı saçların köklərinə massaj hərəkətləri ilə çəkin və birinci dəfə 5 dəqiqə saxlayıb saçlarınızı şampunla yuyun. İkinci dəfə maskanı 10 dəqiqə ərzində, üçüncü dəfə - 15 dəqiqə ərzində saxlayın. Dəri çox yanırsa, maskanı daha tez yumaq olar. Maskanı həftədə 1 dəfə etmək lazımdır.