Durda, çox gec olmadan gedək.
Zaman bir birimizi itirmədən gedək. uzaqlara gedək deyirəm. günəşin ən çox sevdiyi yerlərə məsələn. küləyin yarpaqlarla rəqs etdiyi yerlərə. yad otlar üzərində qaçarkən yalın ayaqlarımızla əl ələ , məndən bir addım geridə olan sənə çönüb güləcəyim bir yerlərə.
- elə buna görə tərk etmək istəyirəm buraları.sərin otlar üzərində dincələrkən ruhumuz, ulduzlardan yorğan düzəldək deyə.
- elə mən buna görə qaçmaq istəyirəm bu şəhərdən. maşınların tüstüsünü nəfəmizə çəkməmək üçün. biz yolla gedərkən şəhərin zülmət gecəsində yorğun gözlərimiz işıqlı mağazalara yox, iki tərəfi ağac olan küçədəki kölgələrə qarışsın deyə. mahnılar ayrı bir məna versin deyə yad küçələri addımlarkən yalın ayaqlarımızla.
- sırf buna görə tərk etmək istəyirəm şəhərim səni. bağışla məni ancaq , səni tərk etmək istəyirəm. məncə. məncə şəhərim, səndə tərk etməlisən özün özünü. yorulmuşsandır indi sən. insanlardan, insanların yaratdıqlarından. gəl, bəhanə uydur insanlarına. gəl, gedək. bir şəhərlik yer var uzaqlarda. bir nəfəslik. təmiz nəfəs almalıq çox yer var inan mənə.