Düşmənin dostu düşməndir, unutma
Yer üzündə heç bir Hüma quşu qalmasa da, kimsə bayquşun kölgəsinə sığınmaz.
Əmrindəkiləri bağışlamağı bilməyənlər, bir gün bu insanların əfvinə möhtac olarlar.
Xalqın sevgi və etibarını qazansan düşməni həqiqətən məğlub etmisən deməkdir.
Bir cahil üçün ən yaxşı şey susmaqdır. Nə var ki, bunu bilsəydi, onsuz da cahil olmazdı.
Tac və taxt keçicidir. Keçmişlərin yaxşılıqlarını an ki, sənin də adını gələcəkdə ansınlar.
Düşmənin yaxınlarından biri sənə dostluq əlini uzada bilər, bunu məmnunluqla qarşıla.
Düşmənin dostu düşməndir, unutma,
Qohumluq bağları, onu sənə qarşı kinləndirər.
Şirin sözə aldanma, baldakı şirin yanıldıcıdır.
Dostlarına qarşı belə oyanıq olmalısan. O zaman düşmənindən də əmin ola bilərsən.
Hər kəsin quldur ola biləcəyini düşünən kimsə, kisəsindəki incini asan asan oğurlatmaz.
Komandirinə qarşı çıxan bir əsgərə vəzifə verilməz.
Başındakının dəyərini bilməyən, ona nankorluq edəndən xeyr gəlməz. Onun sözünə və andına inanmaq olmaz.
Yeni vəzifə yüklənmiş olanların işlərini asanlaşdırar, onlara kömək ol, inayət əlini uzat.
Düşmənin ölkəsini əhatə edib fəth etdiyin zaman asayiş və təhlükəsizlik işlərində oranın həbsxanalarındakı məhbusları vəzifələndir. Onların ürəkləri ağrılıdır.
Zülmə keçid verməzlər.
Bir şəhəri əhatə etdiyin və rəhbərliyi keçirdiyin zaman xalqa əvvəlkindən daha yaxşı davran.
Sədi Şirazi
