❄⁂Yolkasız evlər ❄⁂[1]

Vauuu! Yeni il gəlir! Necə deyirlər ? "Happy new Year". Hahaha.. Saat 00:00 gözləyən axmaqlar!
Heyy! Şəhərin mərkəzindəki yolkaya baxın bir. Keçən ilkindən daha da böyük. İşıqları daha parlaq..
Önündə duran Şaxtababa, Qarqız və digər nağıl persenajları. Hah!

Bir də şəkil növbəsinə duran insanlar.
Hər yan necə də rəngarəngdi. Bazar yolkalarla doludur. İnsanlardan çox yolka var. Böyüklüyünə görə qiyməti də dəyişir. Hərə öz "cibinin ölçüsünə" görə alacaq. "Böyüklər" böyüyünü, "kiçiklər" kiçiyini.
Hazır hədiyyə bağlamaları bazarda gəzərkən, az qala adamın ağzına girə. Uşaqlarına bu bağlamadan alan analar, nəvələrinə alan babalar.. Uşaqlar həyəcanla hədiyyələrini açır.

Fişəng, partlayıcı alanlara baxın. Saat 00:00 da mənasız səs küy.Yeni il gəlir axı. İlk dəfədir gəlir sanki. Yeni ilin gəlməsi heç yeni ilin vecinədirmi görən? Hey! İnsanlar dayanın bir!
Eyy, ən böyük yolkanı almağa çalışan bəy dayan! Son qəpiyini satıcıya verib, ən uzuc yolkanı almağa çalışan, ucuz verməsi üçün satıcıya dil tökən qadın, dayan!

Dayanın, hamınız! Deyin görüm, yeni ili belə qarşıladığınızı yeni il özü görür? Xəbəri varmı onun üçün bu qədər dəridən-qabıqdan çıxdığınızdan? Fişəngləri, partlayıcıları qoyun bir qırağa. Nəyə görə atəş-fəşanlıq edəcəksiz? Bu il də itirdiklərinizəmi? Yeni ildə yeni açılan kreditlərəmi? Hər il ölən əsgərlərəmi? Hər il keçdikcə bir az da qocalan Analaramı?



Keçən il də belə etmişdiz, eyni cür atəşfəşanlıq, üzərində adını belə zorla dediyiniz meyvlərdən tutmuş hər cür təam olan süfrələr açmışdız. Nəticə? Bu il çox möhtəşəm keçdi elə deyilmi?

Əlbətdə elə deyil! Əgər elə olsaydı, bu ilin qurtarmasına bu cür sevinməzdiz.
Gələn il çox gözəl keçəcək deyə fikirləşənlərə səslənirəm, sizə pis xəbərim var. Heç nə yaxşı olmayacaq!
İnsanlar mənə fikir vermir.Dayanmır. O qadın bir təhər satıcını razı sala bildi, ən böyük yolkanı almağa çalışan kişi, yolkanı aparmaqda çətinlik çəkir.

Təbii ki, mənim dediklərimi eşidə bilmirlər. Çünki bayaqdan dediklərimi yalnız özüm eşidirəm. Başqa heç kim.

By Mehseti