Yenə atıb gedərdinmi?

Dayan, sənə sualım var.
Mənsizliyin necə keçir?
Nəfəs ala bilirsənmi?
Axı mən idim nəfəsin.

Deyirsənmi-gülürsənmi?
Qalıbmı mənsiz həvəsin?
Məni soruşsan, pis deyiləm.
Təkcə gülüşüm əskikdir.

Sevginə həris deyiləm.
Qürurlusan, burnun dikdir.
Dayan, bir sualım da var.
Bir az şablon olsa da,

Ölən o pak sevgimizin
Əziz ruhu xatirinə,
Doğru cavab verərdinmi?
"Dünyaya bir daha gəlsən,

Yenə atıb gedərdinmi?