Qürurum

Zəng edim-etməyim tərəddütdəyəm
Ürəyim istəyir gürur qoymayır
Başımı qələmlə qatıram hər gün
Yazıram-pozuram vərəq doymayır.

Bəzəndə rəsmini çəkirəm onun
Qələmlə nazını çəkə bilmirəm
O gözəl qaməti şux qalsın deyə
Kağız parçasını bükə bilmirəm.

Sonra düşünürəm dəli sayağı
Sanıram o məni görür eşidir
Məni eşitməsin,görməsin deyə
Gözü,qulağını pozuram bir-bir.

Bəlkə həqiqətən dəli olmuşam?
Ağlımı başımdan alıb hislərim
Mən belə deyildim,ona deyin ki,
Məni nə günlərə salıb hislərim!

Müəllif:Elkin Kərimli