Xoşbəxtlərin xoşbəxtiyəm, sanardım.

Uzaq düşüb dünyanın dərd- sərindən,
Bir quş olub buludlara qonardım,
Sevgilimin tutaraq əllərindən,
Məhəbbətin alovunda yanardım .
Xoşbəxtlərin xoşbəxtiyəm, sanardım.




Hey uçardım dərə – təpə üzündən.
Həzz alardım buludlar dənizindən .
Xoşlanardım yarımın bənizindən,
Vüsalımın alovunda yanardım,
Xoşbəxtlərin xoşbəxtiyəm ,sanardım.



Oynayardıq ay ətrafı əl -ələ,
Sevgimizlə qarışardıq gur yelə,
Sevişərdik səmalarda bax belə,
Bu seginin alovunda yanardım,
Xoşbəxtlərin xoşbəxtiyəm, sanardım.