Dəli oğlan sarığı resepti
Tərkibi:
4 su stəkanı un
2 x.q duru yağ
1 yumurta
duz
alabildiyi qədər su
Üzəri üçün:
100 qr kərə yağı
1 yumurtanın sarısı
İçlik üçün:
250 qr ağ pendir
1 dəstə cəfəri
Hazırlanması:
Bir qaba unu tökün. Üzərinə duru yağ və 1 ədəd yumurtanı qırıb,əlavə edin.. Sonra ilıq su və duz əlavə edib, xəmiri yoğurun. İçlik üçün pendiri rəndələyin. Cəfərini təmizləyib yuyub xirda- xirda doğrayın və pendirlə qarışdırın.
Hazırlanmış xəmiri 4 kündəyə bölün. Sonra oxlovla yayın. Açılmış lavaşlara içlik qoyub, rulet formasında bükün. Soba qabına yerləşdirin. (börəkdə oldugu kimi). Üzərinə yumurta sarısı və kərə yağı çəkin. Dəli oğlan sarığını öncədən qızdırılmış sobada 180 dərəcədə bişirin.
Nuş olsun!
