Xardal sousunda toyuq qızartması
Tərkibi:
,5 kq toyuq (yaxud toyuq budu)
10 diş qabıqlı sarımsaq
sous-marinad:
1 x.q. toxumlu xardal
1.5 ç.q. paprika
1 ç.q. sarıkök
2 x.q. mayonez
2 x.q. qatıq
1 x.q. bal
1 x.q. limon şirəsi
duz
qara istiot
Hazırlanması:
Sous üçün olan ərzağı bir kasada qarışdırın.
Toyuğu dörd yerə bölün, duzlayın. Əti hazırladığınız marinadda 1-2 saat saxlayın.
Çuqun (adi də olar) tavaya əti düzün. Kənarlarından 1/4 st. su tökün, üzərinə qabıqlı sarımsaqları düzün.
Üzərini folqa ilə bağlayıb 250 dərəcə qızdırılmış sobada 40-45 dəqiqə bişirin. Sonra folqanı çıxarın, toyuq qıpqırmızı qızaranadək sobada bişirməyə davam edin.
Üzərinə göyərti səpin.
Nuş olsun!
