Qara qızılgül salatı resepti.

Tərkibi:

5 yumurta
150 qr qara gavalı
2 ortabab çuğundur
1 siyənək balığı
1 baş soğan
400 qr şampinyon göbələyi
mayonez

Hazırlanması:

Göbələyi yuyub bir az iri doğrayın. Soğanı xırdalayıb göbələklə bir yerdə hazır olanadək qovurun. Yumurtaları bişirib sürtgəcin iri gözündən keçirin. Çuğundurları bişirin. Birini sürtgəcin iri gözündən keçirin, o birini isə yarımdairə şəklində doğrayın (bəzək üçün). Siyənəyi sümüklərdən təmizləyib doğrayın. Qara gavalının hərəsini 2-3 yerə bölün.
Sonra aşağıdakı qaydada salatı düzməyə başlayın:
1. Siyənək
2. Göbələklə soğan qovurması
3. Yumurta
4. Qara gavalı
5. Çuğundur.
Hər layın üstünə mayonez çəkin. Doğranmış çuğundurla salatı qızılgül şəklində bəzəyin.

Nuş olsun!