"İmtahan verəcəyim gün orucumu aça bilərəmmi?"

Ramazan orucunu tutmaq - sağlam, ağıllı və həddi-buluğa çatmış hər bir müsəlmana fərzdir (vacibdir). Xəstə və səfərdə olanlar oruc tutmaya bilərlər.

Feat.Az zikr.az-a istinadən bildirir ki, onlar buraxdıqları orucu sonradan tutmalıdırlar. Uca Allah buyurur: "Xəstə və ya səfərdə olanlar isə başqa günlərdə eyni sayda oruc tutmalıdır" (əl-Bəqərə, 185).
Əgər imtahan verəcəyiniz yerə səfər edəcəksinizsə, ixtiyarınız öz əlinizdədir. İstəsəniz, tuta bilərsiniz, istəsəniz, orucu poza bilərsiniz. Lakin buraxdığınız günlərin orucunu gələn ilin Ramazan ayına qədər tutmalısınız. Əgər yaşadığınız yerdə imtahan verəcəksinizsə, buna görə orucu pozmaq olmaz.