Diş Ətinin qanaması Ağız Qoxusuna Səbəb olur

Dişlərdə rast gəlinən ən böyük problem diş ətinin qanamasıdır. Diş əti qanamasıyla nəticələnən ağız qoxusu problemi dental xəxtəliklə əlaqələndirilir. Diş əti ilə əlaqəli olan ağız qoxusu hormonal və irsi səbəblərdən baş verə bilər. Dişlərin müalicəsi zamanı ilk öncə dişlərdə baş verən sümük əriməsi səviyyəsi yoxlanılır. Dişlərin ilkin müalicəsi zamanı diş daşları təmizlənir. Diş daşları bakteriya düyününün üzərinə mineralların toplanması nəticəsində yaranır. Diş əti bu daşlara sürtündükcə qanamalar baş verir və bakteriya düyünü daha çox artdığından ağız qoxusu yaranır. Diş əti daşları təmizləndiyi zaman diş ətlərinin şişi yatdıqdan sonra dərin toxumaların daha çox zərər gördüyü ortaya çıxarsa, küretaj deyilən yeni bir müalicə üsulundan istifadə edilir.

Ağız qoxusunun digər səbəblərindən biri də ağıl dişləridir. Ağıl dişləri çıxarkən, ağız içərisində boşluqlar yaradır. Diş gec çıxdığı zaman həmin boşluqlar bakteriyalarla dolur. Onları təmizləmək çətin olduğu üçün dişlər mütləq çəkilməlidir. Burun tıxanıqlığı yaşayan adamlar ağızla nəfəs alarkən, diş ətləri quruyur. Quruyan diş ətləri çatladığı üçün bakteriyalar daha çox yığılır və infeksiyalara yol açır.

Ağız qoxusunu aradan qaldırmağın yolları:

Ağız qoxusunu aradan qaldırmaq üçün gündə ən azı 2-3 litr su içmək lazımdır. Su içmək ağızda tüpürcək axınını artırır və ağızın təmizlənməsini təmin edir. Tüpürcək dişlərin üzərinə bakteriya düyünlərinin yığışmasına mane olur. Yeməyi tək tərəfli çeynəmək qanama və ağız qoxusuna səbəb olur. Bir tərəfli yemək yemək hərəkət edilməyən tərəfdə dişlərin üzərinə bakteriyaların yığılmasına səbəb olur. Qidanı hər iki tərəflə çeynəmək lazımdır. Yediyimiz, içdiyimiz hər bir qida dilimizə toxunduğu üçün dilimizi də fırçalamalıyıq.

Diş sapı istifadə etmək

Normal diş fırçası istifadəsində dişlərin sadəcə səthi təmizlənir. Nə qədər ideal bir fırçalama edilsə də, diş arası bölgələr tamamilə təmizlənməz. Xəstəliklərin başlanğıcı dişarası problemlərdən qaynaqlanmaqdadır. Bu səbəblə düzgün ağız boşluğu qulluğu üçün diş ipi istifadə edilməsi məsləhətdir.