Hyundai yeni Grandeur-u göstərdi

Feat.Az auto.az-a istinadən bildirir ki, modelin dizaynı "Genesis G80"-i xatırladır. Təkər bazasının genişləndirilməsi sayəsində salonda sərnişinlər üçün yer xeyli böyüyüb. Şirkətdən bildirilib ki, avtomobil "Hyundai"-ın "yeni dizayn erasından xəbər verir".

Sedan 3,3-litrlik benzin V6 mühərriki ilə hərəkətə gətirilir. O, 8-pilləli avtomat sürət qutusu ilə birgə işləyir. Yeniliyin dinamik xarakteristikası hələlik sirr olaraq qalır.

Mühərrik qammasına 4-silindrli benzin və dizel mühərriklər daxil ediləcək. Bundan əlavə, hibrid modifikasiyanın da peyda olması istisna edilmir.