"Məndə hər nəyin var, verib gedəcəm
Mən səni sevərkən, elə bilirdim.
Ömrümü səninlə sürüb gedəcəm,
Bilmədim bu şəhər boğacaq məni,
Başqa bir ölkəyə, qərib gedəcəm.
Yaşaya bilmərəm mən bu şəhərdə,
Bu şəhər salıbdı məni bu dərdə,
Qoy sənin olsun o xatirələr də,
Məndə hər nəyin var, verib gedəcəm.
Bir zaman hər şeyi unutsanda sən,
Bilirəm düşəcəm yadına hərdən,
İnan ki, heç kəsi sevməyəcəm mən,
Qəlbimin qapısın hörüb gedəcəm...
Bu şəhər dar oldu mənə büsbütün.
Gedirəm mən azad yaşamaq üçün,
Yox demə, evinə gələcəm bu gün,
Sadəcə qapıdan görüb, gedəcəm...
Bir daha çətin ki gəlib-gedəcəm.
