Şahin İlqar - "Sən Niyə Dəyişdin?"

Love is blind (Sevgi kordur)

Sən niyə dəyişdin fəsillər kimi?
Bir zaman bahardın, indisə qışsan.
Həm sevib, həm də ki, üzdün qəlbimi,
Bir öz vicdanına sorub-soruşsan!

Sən niyə dəyişdin? Düşünmən gərək,
Əhdini, sözünü danmısan indi.
Yurdunu dəyişən köçəri quştək,
Başqa bir ürəyə qonmusan indi!

Sən niyə dəyişdin? Bildiyim kimi,
Qəlbimdə yaşayıb qalaydın barı.
Qəfildən ömrümə gəldiyin kimi,
Qəfildən canımı alaydın barı!


Şahin İlqar